Diredawa(xogogaalonline) Mon,01-4-13.Illaahay naxariistii jano ha ka waraabiyee waxaa magaaalada Ismaamulka Diredawa ku geeriyooday Haji Hassan Sheikh Abdi sheikh Abdulle Sheikh Hassannur manta ooy tahay tariikhdu 03/31/2013,Haji Hassan Sheikh Abdi sheikh Abdulle Sheikh Hassannur ayaa kamid ahaa odayaasha aadka looga qadariyo Dowlada deegaanka somalida Ethiopia,islamarkaana ahaa cadaali xaqsoora oo alle kacabsi badan.

Marxuum Haji Hassan Sheikh Abdi Abdulle Sheikh Hassannur ayaa waxaa adeer dhab ah u ahaa Halyeeygii Daraawiisheed ee Sayid Mohamed Abdule Hassannur.

Xukuumada DDSI ayaa tacsi tiiraanyo leh u dirtay Qoyskii,Qaraabadii,Eheladii iyo caruurtii uu ka geeriyooday marxuumku lehna Samir iyo iimaan ilaahay ha inaga wada siiyo Marxuumkana Naxariistii jano ilaahay ha ka waraabiyo Aamiin aamiin Aamiin.

Sidoo kale waxaa iyaguna Tacsi u diraya Dadka hoos ku cad:-

1. Aabo Abdirahman Mohamed Cumar
2. Hooyo Halimo Cumar Jirac
3. Hussein Abdirahman
4. Jamal Abdirahman
5. Abdifatah Abdirahman
6. Ahmed Abdirahman
7. Asad Abdirahman
8. Ifrah Abdirahman
9. Najma Abdirahman
10. Cumar Sheikh osman
11. Hassan Sheikh Cusman
12. Casho sheikh Cusman
13. Hamdi Shiekh Cusman
14. Farah Ismail Karaani
15. Mohamed Siraad
16. Haajiyo Dhatac
17. Idil Yamyam
Iyo dhamaan Reer Sheikh Hassan Nur

Waxaan carruurtii,eheladii iyo qaraabadii uu ka geeriyooday Eebbe weyne uga baryeynaa inuu Samir iyo Iimaan ka siiyo,
marxuunkana Illaahay uga baryeynaa inuu u naxariisto,jannadii Fardowsana ka waraabiyo.Aamiin Aamiin Aamiin.

London(xogogaalonline) Mon,1-4-13..Waxaa magaalada London ka dhacay kulan aad u balaadhan oo ay isugu yimaadeen Qurbajoogta DDSI ee ka soo jeeda

Degmooyinka Xarshin,Daroor iyo Gaashaamo ee ku dhaqan cariga Ingiriiska,iyadoona ay ka soo qayb galeen shacab aad u

tiro badan oo isugu jiray Waxgarad,Odoyaal-dhaqameedka,Aqoonyahan,Dhalinyaro,Culumaaudiin iyo haween aad u tiro badnaa.
Sida wariyaha noo jooga UK uu noo soo sheegay ujeedada Shirkan ugu waynayd ayaa ahayd taageerada Socdaalkii Sama-wade ay u hayaan Qurbajoogtani kuwaasoo ku tilmaamay Socdaalkii Sama=wade in uu ahaa socdaal taariikhi ah oo suuliyay dhamaanba tabashooyinkii ay shacabk qabeen yidhina Mudane Madaxweyne"Noolow Cimrigaa ha jiro gudoonayna Socdaalka sama-wade iyo Hogaamintaada Cadaaladeed waligaana caynaanka hay.

Dhanka kale Qurbajoogtan ayaa Tilmaantay in ay taageero hiil iyo hooba la garab taagan yihiin Madaxweynaha DDSI Mudane Cabdi Maxamuud Cumar iyo Xukuumada uu Hogaanka u hayaba,islamarkaana ay Door muhiima ka qaadan doonaan Arimaha Horumarka,N/gelyada iyo Maamulka Suuban ee ka taabo galay Guud ahaanba Deegaanka gaar ahaana Degmooyinka aanu ka soo jeedno ayay yidhaahdeen.

ugu danbayntii ayaa ay Qurbajoogtu Tilmaameen in ay maalgashi ka samayn doonaan Deegaanka,islamarkaana ugu baaqay guud ahaanba Qurbajoogta ka soo jeeda DDSI ee ku filiqsan Daafaha Dunida in ay Gacmaha isqabsadaan Wadajirna uga Qayb qaataan Horumarka,N/gelyada iyo Maamulka Suuban ee ay ka Taabo galay Guud ahaanba Deegaanka kaliya intii ay jirtay Xukuumada uu Madaxweyne Mudane Cabdi Maxamuud Cumar hogaanka u hayay taasoo ah waxqabad Qaranimo oo lagu faano Muujinana Muwaadinimadeena Itoobiyaanimo ee aynu kaga mid nahay DFI kuna faano Muwaadinimadeena.

Jigjiga(xogogaalonline):- Madaxweynaha DDSI Mudane Cabdi Maxamuud Cumar ayaa Shalay Diyaarad ka soo Raacay Magaalada Qabridahar islamarkaana Toos ugu Gudbay Magaalada Addis-ababa si uu uga Qayb galo shir ay lyihiin Ururka EPRDF oo Maanta ka furmayay Magaalada Bahardar.

Garoonka Diyaaradaha ee Wiil-waal Airport ayaa ay ka sii Raaceen Gudoomiyaha XDSHSI ahna Afhayeenka Baarlamaanka DDSI Mudan Maxamed Rashiid Isaaq,Madaxweyne kuxigeenka ahna Hogaanka N/gelyada iyo Cadaalada Muane C/laahi yuusuf Weerar iyo Madaxweyne ku-xigenka ahna wasiira wasaarada Caafimaadka Mudane C/fataax Maxamuud Xasan.

Dhanka kale Socdaalka ame-wade oo marayay Maalintiisii 8aad Magaalada Qabri-dahar ayaa hakad uu ku yimid iyadoo uu Madaxeynaha DDSI jeclaa in uu soo maro Gobolo badan oo u Hadhsanaa,balse waxaa la filayaa in marka uu ka oo noqdo shirkan in la qorshayn doono sii ambaqaadida Socdaalkii-sama-wade iyo Qari kasta oo ay Shacabka Deegaanku Degan yihiin

Jigjiga(xogogaalonline) March 07,2013.Iyada oo guud ahaanba maanta deegaanka si balaadhan looga xusay xuska 15 ee sanad guurada aas aaska X.D,SH.S I ayaa waxaa munaasabad  siwayn loo soo Maamuus-qurxiyay looga xusay xarunta deegaanka ee magaalada jijiga munaasabadan oo mudooyinkii ugu danbeeyayba siwayn loogu diyaar garoobayay indhahaaguna ku dhacayeen sida loo sii qurxinayay Wadooyinka,Guryaha Magaalada,Xarumaha 10ka xaafadood,Halkudhegyada iyo Dhaantooyinka, gaar ahaana xafiiska golaha dhexe ee XDSHSI ayaa Diyaargarow aad u balaadhan oo dhamaystiran u soo galay sida Qurxoon ee ay xuska 1511d ee XDSHSI uu maanta uga dhacay Jigjiga,iyadoona ka dhacday hoolka shirarka ee S.M.C Xasan.

Munaasabada Maanta loogu dabaaldegayay 15 guurada ka soo wareegtay aas-aaskii XDSHSI oo ku beegnayd maanta oo ah 28ka bisha Yekatiit 2005 Tirsiga Itoobiya ayaa ay ka soo qayb-galeen masuuliyiinta xukuumada ugu saraysa oo uu ka mid yahay ku sii simaha Xafiiska madaxwaynaha DDSI ahna wasiirka caafimaadka Mudane C/fataax Maxamuud Xasan, Gudoomiyaha X.D.SH. S I ahna Afhayeenka Baarlamaanka Mudane Maxamed-Rashiid Isaaq,Madaxa Xarunta Dhexe ee XDSHSI Mudane Axmed Maxamed Shukri,dhamaan hogaaminta XDSHSI, shaqaalaha DDSI, garaadada, suldaanada,odayaal-dhaqameedka,Qurbajoogta,culimaa'udiinka, fanaaniinta deegaanka,   iyo shacab-wayne aad u tiro badan.

Ugu horayn waxaa munaasabadan furay madaxa xarunta dhexe ee XDSHSI mudane Ahmed mohamed shugri oo u mahadceliyay Guud ahaanba Shacabweynaha DDSI ee ku kala Dhaqan Dalka iyo Dibadahaba sida wadaniyadeed ee ay ugu Dabaaldagayaan 15-Guurada XDSHSI ee maamuuska-sharafeedku dheehantahay,islamarkaana warbixin ka bixiyaya heerarkii kala duduwanaa ee uu xisbigu u soo maray Taabogalinta Isbedel-horumarineed oo Damaanad u Noqda Shacabka iyo maamul-suuban oo hanta Qaab-dhismeedyada Dawlada kana goan tahay ka midho-dhalinta Qorshayaasha Kobaca Dhaqaale taasoo maanta Guud ahaanba laamaha Dawlada laga askumay,sidoo kalana N/galyada iyo Kaabayaasha Horumarinta Magaalooyinka iyo xoolo-dhaqatada ayaa isbedel la taaban karo oo muuqda kuna socda xawli laga taabo-galiyay Deegaanka.
Madaxa Xarunta Dhexe ee XDSHSI Mudane Axmed Maxamed Shuri ayaa Farxada Xuska 15-Guurada XDSHSI Tahniyad ugu Diray Guud ahaanba Qurbajoogta ka soo jeeda DDSI meel kasta oo ay kaga dhaqan yihiin Daafaha Dunida,Gaar ahaana Minniapolise oo Diyaargaraw ugu jirta Qabanqaabada Xuska Xisbiga.
Madaxa Xarunta Dhexe ee XDSHSI ayaa Tilmaamay Qodobo ka mid ah Yoolka Xisbiga kuwaasoo ay ka mid yihiin:-1-XDSHSI waxa uu la halgamayaa Aragtida Dulsaarnimada,N/diidka,Qabyaalada iyo Aragtida Soomali-wayn
2-XDSHSI waxa ka go'an Hirgalinta iyo Ka midho-dhalinta Qorshaha 5ta Sano ee Kobaca Dhaqaalaha
3-XDSHSI waxaa ka go'an ka midho-dhalinta Yoolasha Barnaamijka Dejinta Dooxooyinka iyo Wabiyada
4-XDSHSI wuxuu Hirgalinayaa Barnaamijka Xoolo-dhaqato-Beeralayda kaasoo ah aas-aaska Horumarka Bulshada
5-XDSHSI Wuxuu abuuraa Xubno Xisbi oo Leh Aragti Horumarineed iyo Mid Nabad-gelyo
6-XDSHSI si uu uga keeno isbedel Nololeed Bulshada Xoolo-dhaqatada ah ayaa uu Sameeyay Qorshayaasha iyo Strategyada loogu badelayo Xoolo-dhaqato beeraleey.
7-XDSHSI waxaa ka go'an Tirtirida Hadhaaga Nabad-diidka iyo Adkaynta Xuduudaha.
8-XDSHSI wuxuu sii Xoojinayaa Nidaamka Dibucurashada iyo Maamulka-Suuban ee ka hano-qaaday Deegaanka.
ka dib ayaa uu Mudane Axmed M-Shukri Tilmaamay jadwalka Munaasabadu ku socon doonto Codbaahiyahana uga baxay Kooxda Liyuu-band oo ay Ka Dhex muuqdeen Abwaanka Caanka ah ee Dabadii lagula tartami karin Curinta iyo Luuqda hab-ciyareedka Dhaantada oo ay la jiibinaysay Fanaanada Codka Halaasiga laga daba dhacay leh ee Kafeeya oo guud ahaanba masraxii Qarsoomay markii Dhadhanka Dhaantada awgeed kursigii la xamili waayay.Waxaana madasha munaasabadaasi ay ka socoday ku soo bandhigayay heeso, dhaantooyin ay ka dheceen ka soo qaybgalayaashii munaasabadani.

Waxaa intii ay munaasabadani socoday lagu soo bandhigay dood cilmiyeed ka warbixinaysa marxaladihii iyo sooyaalkii-taariikheed ee uu soo maray XDSHSI waxaana soo bandhigay doodaasi wasiirka hawlaha guud iyo horumarita magaalooyinka mudane C/rahmaan sheikh  maxamed doodaati oo siwayn loo falanqeeyay ayaa waxay ka soo qaybgalayaasha munaasabada ay ka qaateen fahan buuxa oo ku saabsan maraxaladii kala duwanaa ee xisbigu u soo maray isbedeladan horumarineed,N/galyo iyo kobaca dhaqaale ee maanta lagu wada hamiyayo Damaanad-nololeedna u noqday Shacabweynaha DDSI,halka DDSI oo hore loo odhan jiray Deegaanada dib u dhacay wakhti-xaadirkan Guud ahaanba Deegaanada Federaalku Waayo-aragnimo iyo khibrad ku dayasho mudan loo soo doonto.

Ku sii simaha madaxwaynah DDSI mudane c/fataax maxamed xasan oo ayaa si qoto-dheer uga warbixiyay Hagardaamadii iyo cadaadiskii ba'naa ee Shacabku ka dhaxleen talisyadii Shuuciga ahaa Mingiste iyo X/selase,sidoo kalana Isbedelkii Dimoqraadiyad,sinaan,cadaalad iyo xoriyada wadanoolaanshaha ee ka curtay halgankii EPRDF,islamarkaana 15-guurada XDSHSI ee maanta la xusayo ka mid tahay Midhihii ka dhashay Halgankii Bahwadaagta EPRDF ayuu yidhi.
Gudoomiyaha XDSHSI mudane maxamed Rashiid Isaaq  ayaa waxa uu munaasabadaasi ka soo jeediyay khudbad dheer oo dhinacyo badan taabanaysa wuxuuna yidhi”

Mudanayaal iyo marwooyin aniga oo ku hadlaya magacayga iyo magaca XDSHI waxaan leeyahay dhamaan shacabka deegaanka soomalida itoobiya han- balyo han-balyo:-Mudanayaal iyo Marwooyin; sidaan wada ogsoonahay iyada oo dalkeena itoobiya cadawga koowaad waxa uu ahaa saboolnimada,sidaasi darteed, hilimada dalkeena itoobiya waa in shacabkeena ka mid noqdo wadamada dhaqaalahoodu dhex dhexaadka yahay taasina waxay u baahan tahay in aan ka midha dhalino yoolka qorshaha koboca dhaqaalaha iyo isbadelka GTP, ee dalka iyo deegaankaba.

Mudanayaal iyo Marwooyin:- XDSHSI isaga oo bartilmaameedka dhiganaya himilooyinkii iyo aragtiyadii horumarineed, nabadgelyo iyo maamulka suuban ee uu inooga tagay hogaamiyihii hore Raysal wasaarihii Meles Zenawi ee hormuudka u noqday Damanada Dastuurka hirgalinta qorshah 5ta sano ayaa waxaa guulo waawayn laga soo hooyay dhinacyada  nabadgalyada, horumarka iyo maamulka suuban.

Dhinaca nabadgelyada:- waxaa gacanta lagu dhigay guud ahaanba nabadgalyada iyo xasiloonida deegaanka iyada oo la adeegsanayo ciidamada gaar ka ah ee geesiyada liyuu booliska (LB), ciidamad difaaca garanka,qurba joogta iyo shacabwaynah deegaankeena, waxaa deegaanka laga hirgaliyay saraynta sharciga.

Dhinaca horumrka:- waxaa markii ugu horaysay XDSHSI  uu baahidiisa koowaad, labaad iyo sedexaadba ka dhigtay dhinaca biyaha waxaana la hirgaliyay sidii looga faa’iidaysan lahaa biyaha roobka, barnaamijka biyo ururinta, biyaha wabiyada iyo soo saarida biyaha dhulka hoostiisa ku jira , waxaa xooga la saaray qalabka sida Riigaga ( heavy Machineries) iyo hirgalint qaabdhismeedka lagu soo saari karo biyaha uu shacabku u baahan yahay taasi oo wakaalada hawlaha dhismaya biyaha la aas aasay awoodeedana la cobciyay. Waxaa xukuumadu anjande u qaadatay hirgalint jidadka taasi oo goobaha kala xidhan ee aan lahayn wadooyinka gaar ahaan goobaha ay nabad’diidku dhuumaalaysan jireen islamarkaana laga sameeyay wadooyin muhiim ah. Xisbigu waxa uu hirgaliyay barnaamij iyo  siyaasada  lagu dajinayo bulshada reer guuraaga ah looguna badalayo xoolo dhaqato beeralay. Waxaa ilaa iyo haatan la dajiyay qoysas gaadhaya 135,000 kuwaasi oo ka faa’iidaystay barnaamijka.

Dhinaca maamulka suuban iyo siyaasada:-  laga bilaabo shirwaynihii 5aad ee XDSHSI  silooga baxo dhibaatooyinkii soo jireenka ahaa una hanto kalsoonida shacabkiisa ayaa halgan balaadhan oo adag lagu sameeyay gudihiisa, isla halgankaasi xisbiga ayaa lagu abuuray hogaamin iyo xubno xisbi oo aaminsan xisbinimada lehna aragti horumarineed waxaana xisbiga lag sifeeyay xubnihii aaminsanaa fikirada soomali wayn, nabad’diid kooxaysi dulsaarnimada iyo qabyaalada, waxaa tababar lagu kobcinayo garaadka siyaasada la siiyay hogaaminta dhexe iyo hogaaminta sare ee XDSHSI. Waxaa la balaadhiyay qaab dhismeedka DDSI iyada oo la aas aasay lana ansaxiyay 16 degmo oo cusub iyo 4 ismaamul magaalo. Waxaa xisbiga laga hirgaliyay nidaamka dib u curashada, waxaana la aas aasay komishinka anshaxa oo la dagaalama musuqa waxaan deegaanka laga hirgaliyay talafeeshinka soomalida itoobiya oo 24 saacadoodba hawada ku jira.